" चित्र हे विचित्र "

फोर बीएचके फ्ल्याट आहे त्यांचा
चौघांना उपयोग चार दिशांचा

रूममधे एका बायको रिमोटवर
दुसऱ्या रूममधे तो फेसबुकवर

तिसरीत रमतो मुलगा कार्टूनवर
मुलगी चौथ्या रुमात व्हाटसपवर

धुण्याला बाई भांड्याला बाई
स्वैपाकाला बाई वाढायला बाई

कुणाला नाही कसलीच घाई
बसल्या रूममधे जेवण येई

प्रपंच चालू असा जोरात घरात
जो तो मग्न आपल्याच थेरात

कुणा न कुणाचा आहे अडथळा
स्वकर्माचा ज्यालात्याला लळा

येणाऱ्याजाणाऱ्यांना माहित आहे
सगळीकडे "चित्र हे विचित्र" आहे

कुणी कुणाकडे जातयेत नाही
फ्ल्याटचे दार कधी उघडत नाही

"आपण सुखी.. तर सर्व सुखी"
- हीच घोषणा हल्ली सर्वामुखी ..
.