वाच वाचुनी अति मी दमले

(चाल : नाच नाचुनी अति मी दमले -)

" वाच वाचुनी अति मी दमले - "

वाच वाचुनी अति मी दमले -
विटले रे कवितेला ...

कवितालेखन तुज न झेपते
आशय त्यात न कसला
विषय चांगला काही सुचेना
अती ताप तो झाला
रोख मानधन..नाही काही
मजवर राग का धरला ...

दारी कचरा घंटागाडी
सफाईवाला आला
निरुपयोगी कविता-कागद
रद्दी घातली त्याला
अजब तुझ्या त्या छंदापायी
सुसंवाद ना घडला..

अशुद्ध लेखन आणि व्याकरण
 गुंता वाढत गेला
 कवितेतील मज काव्य दिसेना
 कागद वाया गेला
 अंधारी ही डोळ्यांपुढती
 जीव वाचण्या भ्याला ...
.