टॉक्डॉक् टॉक्डॉक् आला दौडत
अबलख माझा घोडा -
आई बाबा आजी आजोबा
सरका रस्ता सोडा !
दोनच पायांच्या घोड्याची
घरभर भरभर घाई
पटपट सगळे दूर पांगती
खुषीत येते आई !
हातांचा हा लगाम धरुनी
वेगाला मी आवरतो
ऐटित मागे पुढे डोलुनी
घर-मैदानी वावरतो !
घोडोबा मी घरी लाडका
खेळायाला पुढे पुढे -
शंभर टक्के परीक्षेत गुण
अभ्यासातहि सदा पुढे !
...
छान आहे बालगीत.
उत्तर द्याहटवा
हटवाकलंदर,
आपल्या छानशा अभिप्रायाबद्दल धन्यवाद !