दुपारी चहापान झाल्यानंतर,
निवांतपणे घराच्या छताकडे पहात,
खुर्चीत बसलो होतो.
सुपारीची पूड घेऊन आलेली बायको,
माझ्या तंद्रीकडे पहात, म्हणाली -
" काय हो, कसला विचार करताय एवढा ? "
मी उत्तरलो ;
" एक नेकलेस, दोन पाटल्या , तीन अंगठ्या.......
विचार करतोय आणि ..."
माझे वाक्य अर्ध्यावर तोडत बायको चित्कारली -
" अय्या खरंच मज्जा आहे ना -
संक्रांत जोरातच आहे की मग आपली ! "
मी तिच्याकडे पहात म्हणालो -
" अग शहाणे,
मी विचार करतोय म्हटले आहे -
ते आणायचे म्हणालो नाही मी .
लक्ष आहे ना ?
नुसता विचारच करायला पैसे पडत नाहीत काही ! "
. . .
कोणत्याही टिप्पण्‍या नाहीत:
टिप्पणी पोस्ट करा