अरे अरे पुरे कान्हा ...




अरे अरे पुरे कान्हा...
विनवते पुन्हा पुन्हा
फोडू नकोस ना घडा
मारूनिया त्याला खडा -
नको रंगाचा बेरंग
भारी खट्याळ  श्रीरंग !

अंग चिंब भिजेल ना
बोभाटा रे  होईल ना
काय आईला मी सांगू
नको जीव माझा टांगू -

ऊर माझा धडधडे
गाफील मी तुझ्यापुढे 
मारशी तू एक खडा
दह्यादुधाचा हा  सडा -

त्रास देशी येताजाता
मनीं वाढविशी  चिंता -
सहवासाची ओढ कान्हा
नको लावू पुन्हा पुन्हा ! 
.

कोणत्याही टिप्पण्‍या नाहीत:

टिप्पणी पोस्ट करा