ह्या पुणेकरांचे
काही खरे नाही ...
सदोदित दुसऱ्यालाच
शिस्तीचे धडे
कायम दुसऱ्यांचे वाभाडे
आपल्याखाली जळतय काय
कुणाला पहायला वेळच नाही
एवढया एवढ्याशा पोरापोरीपासून
ते थेट मसणात गवऱ्या पोचणाऱ्या म्हातारीपर्यंत.....
..... सारे टपलेले सिग्नल तोडायला
पण ,
दुसऱ्यांनी तोडलेला दिसला रे दिसला
की ह्यांची गावभर बोंब सुरूच !
............... जाऊ द्या
आपल्याला काय करायचे आहे म्हणा
आपण पुण्यात चार दिसाचा पाहुणा
पोलिसाचे लक्ष नाही
माझ्याकडे
तोवर मनातले तुम्हाला सांगून
मोकळा झालो बघा -
अजूनही त्याचे लक्ष आणि लक्ष्य
इकडे नाही तोवर दाम्टावी आपली गाडी ,
लाल सिग्नल तोडून
त्या नो एन्ट्रीच्या बोळात !
काहीही म्हणा राव,
वाण नाही
पण पुणेरी गुण
कसा
पट्कन आत्मसात होतोच बघा !
.
कोणत्याही टिप्पण्‍या नाहीत:
टिप्पणी पोस्ट करा