|| श्री गुरुदेव दत्त ||

""" - श्री गुरुदेव दत्त- """

चार वेद हे श्वानरूपाने, गायही वसुधा शेजारी 

‘श्री गुरुदेव दत्त’ पाहता, मनास येई उभारी ..

शंख हातचा बघुनी कानी सुविचारांचा नाद शिरे    '

'दत्त दत्त' जपमाळ ही हाती, चक्र सुदर्शन बघुन फिरे ..

त्रिशूल हाती उभा पाहता, कुविचारातुन सावरतो 
भासे डमडम डमरू कानी, जिव आनंदे मोहरतो ..

कमंडलूवर नजर टाकता, पुण्यसंचय आठवतो    
'दत्तदिगंबर' मुखात स्मरुनी, मूर्ती नयनी साठवतो ..

तीन शिरे कर सहा पाहता, पाझर हर्षाचा झरतो 
समाधान अन तृप्तीनेही सगळा देहच गहिवरतो ..

पुढ्यातला मज हात एक तो, आशीर्वादच जणु देतो 
सार्थक समजुन आयुष्याचे चरणी नतमस्तक होतो ..

.